விபரம் - செய்திகளின் தொகுப்பு

யசூஷி அகாஷியுடன் ஒரு சந்திப்பு.

Fri, 30 Jul 2010 11:32:00 +0530

கடந்த செவ்வாய்க்கிழமை ஜப்பானுக்கு உத்தியோக பூர்வ விஜயம் ஒன்றை மேற்கொண்ட பேராசிரியர் ஜீ.எல்.பீரிஸ் மற்றும் அமைச்சர் பஷில் ராஜபக்‌ஷ இலங்கைக்கான ஜப்பானிய தூதுவர் யசூஷி அகாஷி சந்தித்து பேச்சு வார்த்தை நடத்தியுள்ளனர்.இடம் பெயர்ந்த மக்கள் மீள்குடியேற்றப்பட்டு வருகின்றமை, அப் பகுதிகளில் உட்கட்டமைப்பு வசதிகள் மேற்கொள்ளப்படுதல்,அவசரகாலச் சட்டத்தின் அதிகமான விதிகள் நீக்கப்பட்டுள்ளமை, ஜனாதிபதி நியமித்துள்ள தேசிய நல்லிணக்க ஆணைக்குழு மற்றும் அரசியலமைப்புத் திருத்தங்கள் தொடர்பில் ஆளும் கட்சி, எதிர்க்கட்சிகளுடன் பேச்சு நடத்துகின்றமை உள்ளிட்ட பல்வேறு விடயங்கள் தொடர்பில் இலங்கைக் குழுவினர்,யசூஷி அகாஷிக்கு விரிவாக விளக்கமளித்துள்ளனர்.

இதேவேளை,ஜப்பான் தொடர்ந்து இலங்கையின் அபிவிருத்தி வேலைத் திட்டங்களுக்கு ஒத்துழைப்பு வழங்கும் என்று ஜப்பானின் தூதுவர் இலங்கை குழுவினருக்கு உறுதியளித்துள்ளார்.

Siva Siva

தமிழீழ விடுதலைப்புலி சந்தேக நபர்களிடமிருந்து 17 கையடக்க தொலைபேசிகள் மீட்பு.

Fri, 30 Jul 2010 11:25:00 +0530

புனர்வாழ்வு அளிக்கப்பட்டு வரும் தமிழீழ விடுதலைப்புலி சந்தேக நபர்களிடமிருந்து 17 கையடக்கத் தொலைபேசிகள் மீட்கப்பட்டுள்ளதாக இராணுவப் பேச்சாளர் மேஜர் ஜெனரல் உதய மெதவல தெரிவித்துள்ளார்.மிகவும் நுட்பமான முறையில் குரித்த சந்தேக நபர்கள் கையடக்கத் தொலைபேசிகளையும்,ஏனைய உபகரணங்களையும் மறைத்து வைத்திருந்ததாக தெரிவிக்கப்படுகின்றது. மன்னார் மருதமடு புனர்வாழ்வு மையத்தில் நடத்தப்பட்ட திடீர் சோதனையின் போது குறித்த கையடக்கத் தொலைபேசிகள் மீட்கப்பட்டுள்ளன. தேவையான நேரத்தில் அழைப்பை ஏற்படுத்தி விட்டு பின்னர் கையடக்கத்தொலைபேசிகளை புதைத்து வைத்துள்ளதாக தெரிவிக்கப்படுகின்றது.14 சிம் அட்டைகள்,30 கையடக்கத் தொலைபேசி பற்றரிகள் மற்றும் 21 சார்ஜர்கள் ஆகியனவும் மீட்கப்பட்டுள்ளன.

Siva Siva

புலிகளுக்கு தகவல் வழங்கிய இருவருக்கு 11 வருட கடூழியச் சிறை.

Fri, 30 Jul 2010 11:24:00 +0530

ஸ்ரீலங்கா சுதந்திரக் கட்சி-மக்கள் பிரிவின் தலைவரும்,பாராளுமன்ற உறுப்பினருமான மங்கள சமரவீரவை படுகொலை செய்வதற்கான தகவல்களை புலிகளுக்கு திரட்டிக் கொடுத்தார்கள் என்ற பெயரில் குற்றவாளிகளாக இனங்காணப்பட்ட இருவருக்கு கொழும்பு மேல் நீதிமன்றம் 11 வருட கடூழிய சிறைத்தண்டனை வழங்கியுள்ளது.மங்கள சமரவீர எம்.பி.முன்னர் வெளிவிவகார அமைச்சராகப் பதவிவகித்த காலத்திலேயே அவரை படுகொலை செய்வதற்கான புலிகளின் திட்டத்திற்கு மேற்படி குற்றவாளிகள் இருவரும் உதவி புரிந்துள்ளனர். இந்தச் சம்பவம் தொடர்பிலான வழக்கு நேற்று முன் தினம் புதன்கிழமை விசாரணைக்கு எடுத்துக் கொள்ளப்பட்ட போது குற்றவாளிகள் குற்றத்தை ஒப்புக்கொண்ட போதே அவர்களுக்கு இந்த கடூழியச் சிறைத்தண்டனை வழங்கப்பட்டது.

Siva Siva

இலங்கையர்கள் 6 பேர் அமெரிக்காவில் கைது.

Fri, 30 Jul 2010 11:23:00 +0530

அமெரிக்காவில் பாம் பீச் கரையோர வீதியில் நடந்து சென்றிருந்த 6 இலங்கையரை அந் நாட்டு பொலிசார் சந்தேகத்தின் பேரில் கைது செய்துள்ளனர்.20 வயதிற்கும் 40 வயதிற்கும் இடைப்பட்ட இந்த இலங்கையர்கள் 6 பேரினதும் கால்சட்டை முழங்கால் வரை நீண்டு இருந்ததாலும்,ஆங்கிலம் பேச தெரியாமல் இருந்ததாலும் அவர்கள் படகில் வந்திறங்கி நடந்து வருகிறார்கள் என்று சந்தேகித்து பொலிசார் அவர்களை கைது செய்து அமெரிக்க பாதுகாப்பு பொலிசாரிடம் ஒப்படைத்துள்ளனர். அவர்களிடம் பிரயானப் பை எதுவும் இல்லை எனவும்,அவர்கள் இலங்கை கரன்சியும்,அமெரிக்க டொலர்களும்,கையடக்க தொலைபேசியும் வைத்திருந்தனர் என்றும் தெரிவிக்கப்பட்டது.

Siva Siva

கொழும்பு தேசிய வைத்தியசாலையில் தற்கொலை.

Thu, 29 Jul 2010 11:11:00 +0530

கொழும்பு தேசிய வைத்தியசாலையில் சிகிச்சை பெற்றுவந்த நோயாளி ஒருவர் கழுத்தில் சுறுக்கிட்டு தொங்கிய நிலையில் சடலமாக மீட்கப்பட்டுள்ளார். வைத்தியசாலையின் 23 ஆம் இலக்க வார்ட்டில் தங்கியிருந்து சிகிச்சை பெற்று வந்த எச்.ஜே. சந்திரபால (வயது64) என்பவரே இவ்வாறு சடலமாக மீட்கப்பட்டவராவார்.இந்த சம்பவம் நேற்று முன் தினம் செவ்வாய்க்கிழமை காலை 6.50 மணியளவில் இடம்பெற்றுள்ளது.இவர் கோல்பேஸ் கோர்ட் இல.1 கொழும்பு 3 ஐச் சேர்ந்தவரென பொலிசார் தெரிவித்துள்ளனர்.காலில் ஏற்பட்ட காயத்துக்கு சிகிச்சை பெறும் முகமாக வைத்தியசாலையில் அனுமதிக்கப்பட்டு 23 ஆம் வார்ட்டில் சிகிச்சை பெற்று வந்த நிலையிலேயே இவ்வாறு தற்கொலை செய்துள்ளார்.தற்கொலைக்கான காரணங்கள் இதுவரையில் கண்டறியப்படாத நிலையில் சம்பவம் தொடர்பாக பொலிஸார் விசாரனை நடத்திவருகின்றனர்.

Siva Siva

இராணுவ வீராங்கனையை பாலியல் வல்லுறவுக்குட்படுத்திய பொலிஸ் அதிகாரிகள்.

Thu, 29 Jul 2010 11:09:00 +0530

குறித்த பெண் இராணுவ உத்தியோகத்தர் கஜபா ரெஜிமண்ட் பிரிவில் சேவையாற்றியவராவார். காலி.உடுகமவைச் சேர்ந்த இவர் இராணுவத்திலிருந்து தப்பிச்சென்று புத்தலவில் உள்ள தனது காதலரது உறவினர் வீட்டில் வசித்து வந்துள்ளார்.இந்நிலையில் கர்ப்பிணியாகிய அவரை கர்ப்பத்தை கலைக்குமாறு அவரது காதலர் வற்புறுத்தியதையடுத்து அதற்கு உடன்படாததால் இருவருக்குமிடையில் தகராறு ஏற்பட்டுள்ளது. இதனையடுத்து புத்தல பொலிஸ்நிலையத்தில் குறித்த இராணுவ வீராங்கனை முறைப்பாடு செய்துள்ளார்.இதனை விசாரித்த பொலிஸார் இருவருக்குமிடையில் சமரசத்தை ஏற்படுத்தி அனுப்பி வைத்துள்ளனர்.இருப்பினும் காதலரும் அவரது பெற்றோரும் சேர்ந்து நள்ளிரவில் அப்பெண்ணை வீட்டை விட்டு துரத்தியுள்ளனர். அதனால் உதவி பெரும் முகமாக மீண்டும் அப்பெண் புத்தல பொலிஸ் நிலையத்திற்கு சென்றுள்ள அச்சந்தர்ப்பத்தில் அவருக்கு உதவுவதாக கூறிய மூன்று பொலிஸ் உத்தியோகத்தர்களும் அப்பெண்ணை பலியல் வல்லுறவுக்கு உட்படுத்தியுள்ளனர்.பின்னர் இரண்டு நாட்கள் கழித்து குறித்த இராணுவ வீராங்கனையை இராணுவத்திலிருந்து தப்பியோடிய குற்றச்சாட்டின் பேரில் வெல்லவாய நீதிவான் முன்னிலையில் ஆஜர்படுத்தியுள்ளனர்.

Siva Siva

பான் கீ மூன் மீண்டும் தெரிவானதை இலங்கை அரசு எதிர்க்கும்.

Thu, 29 Jul 2010 11:08:00 +0530

2011 ஆம் ஆண்டு டிசம்பர் மாதம் 31 ஆம் திகதியுடன் தற்போதைய ஐ.நா.செயலாளர் நாயகம் பான் கீ மூனின் பதவிக்காலம் நிறைவுக்கு வருகின்ற அதேவேளை,அப்பதவிக்கு அவர் மீண்டும் போட்டியிட முடியும் என்பது குறிப்பிடத்தக்கதாகும்.இந்த நிலையில் அவர் இரண்டாவது தடவையாக செயலாளர் நாயகமாக பதவி வகுப்பதை இலங்கை அரசாங்கம் மறுக்கின்றது.இதை எதிர்ப்பதற்காக இந்தியா,ரஷ்யா,பிரேஸில்,சீனா உள்ளிட்ட வளர்முக நாடுகளின் ஆதரவை இலங்கை அரசாங்கம் பெற்றுக்கொள்ளவிருப்பதாகவும் தெரிவிக்கப்படுகிறது.

Siva Siva

உறுதியளித்த படி அரசாங்கம் சம்பள உயர்வை வழங்கவேண்டும்.

Thu, 29 Jul 2010 11:07:00 +0530

நேற்று புதன்கிழமை ஊடகவியலாளர் மாநாட்டில் உரையாற்றும் போது ஐ.தே.க. பொதுச் செயலாளரும், எம்.பி.யுமான திஸ்ஸ அத்தநாயக்க கூறுகையில், நாட்டுக்கு புத்த ஜீவிகளை வழங்கும் பல்கலைக்கழகங்கள் இன்று ஸ்தம்பிதம் அடைந்துள்ளன. மாணவர்கள் வீதிகளில் போராட்டம் நடத்துகின்றனர்.விரிவுரையாளர்கள்,பேராசிரியர்கள்,கலாநிதிகள் சம்பல உயர்வு கோரி அடையாள வேலை நிறுத்தத்தில் ஈடுபடுகின்றனர்.பாராளுமன்றத்தில் இது பற்றி விவாதித்த போதும் எதுவித பேச்சுமில்லை வெட்டி பேச்சாகவே போனது.

புத்த ஜீவிகள் நாட்டுக்குத் தேவை என தெரிவிக்கும் ஜனாதிபதி புத்தஜீவிகளை உறுவாக்கும் பல்கலைக்கழகங்கள் ஸ்தம்பிதமடைவதை தடுத்து நிறுத்தாமல் இருப்பது ஏன்,பல்கலைக்கழக விரிவுரையாளர்கள், பேராசிரியர்களுக்கு உறுதியளித்த சம்பள உயர்வை வழங்க வேண்டும் என ஐ.தே.க. வலியுறுத்தியுள்ளது.

Siva Siva

இலங்கை செல்லும் நடிகர் நடிகை படங்களை புறக்கணிப்போம்: உலக தமிழ் அமைப்பு அறிக்கை

Tue, 27 Jul 2010 20:44:00 +0530

அமெரிக்காவில் செயல்பட்டு வரும் உலகத்தமிழ் அமைப்பு தலைவர் நாஞ்சில் பீட்டர், வடஅமெரிக்க தமிழ் சங்க பேரவை தலைவர் பழனிசுந்தரம் ஆகியோர் வெளியிட்டுள்ள அறிக்கையில் கூறி இருப்பதாவது:-

தமிழீழத்தில் நமது தொப்புள் கொடி உறவான தமிழ் இனத்தை சிங்கள அரசு பூண்டோடு ஒழித்து வருகிறது. தமிழ் இனப்படுகொலையில் ஈடுபட்ட அனைவரையும் உலக நீதிமன்றத்தில் நிறுத்தி தண்டனை வழங்கப்படும் நாள் தொலைவில் இல்லை.

இலங்கைக்கு நடிகர்கள் யாரும் போகக்கூடாது என்று தீர்மானம் போட்டுள்ள நடிகர் சங்கத்துக்கு உலக தமிழ் இனம் நன்றி தெரிவிக்கிறது. தமிழர்கள் உணர்வுகளை துச்சமென நினைத்து இலங்கை சென்ற மலையாள நடிகை அசின் மீது கடும் நடவடிக்கை எடுக்க வேண்டும் என உலக தமிழ் அமைப்பு நடிகர் சங்கத்தை வலியுறுத்துகிறது.

அசின் நடித்த அனைத்து திரைப்படங்களையும் புறக் கணிக்க உலக தமிழர்கள் முடிவெடுத்துள்ளனர். அந்த முடிவை அமெரிக்கா, கனடா நாட்டில் நிறைவேற்றுவோம்.

தமிழ் உணர்வுடன் செயல்பட்டு வரும் ராதாரவி, சத்யராஜ் ஆகியோரையும் தமிழர்களின் உரிமைகளுக்கு ஆதரவு நல்கும் நடிகர் சங்கத்தின் மற்ற உறுப்பினர்களையும் பாராட்டுகிறோம்.

தமிழர்களுக்காக உழைக்கும் திரைத்துறையினர் யாவர் எதிராக உள்ளவர்கள் எவர் என்பதை ஆராய்வதுடன் யாருடய படங்களை புறக்கணிப்பது என்பது பற்றி ஆலோசித்து வருகிறோம்.

தமிழ்நாட்டில் இருந்து வரும் திரைப்படங்களின் கணிசமான வருவாய் எங்களை போன்ற புலம் பெயர்ந்த தமிழர்களின் ஆதரவால் ஈட்டப்படுகிறது.

கடந்த காலத்தில் ஈழத்தமிழருக்கு ஆதரவாக திரைதுறையினர் நடத்திய போராட்டங்களை அலட்சியப்படுத்திய நடிகர்களின் படங்கள் புலயம் பெயர் தமிழர்களால் புறக்கணிக்கப்பட்டன. இதன் விளைவாக அத்திரைப்படங்கள் படுதோல்வியை தழுவின. இதுபோல் தொடர்ந்து தமிழர் உரிமை குரலுக்கு எதிராக செயல்படுவோர் படங்களை புறக்கணித்து போராட்டங்களை மேற்கொள்வோம்.

இவ்வாறு அறிக்கையில் குறிப்பிடப்பட்டு உள்ளது.

s r

மணலாறு காட்டுப்பகுதியில் சிங்கள ராணுவ வீரர்கள் படுகாயங்களுடன் மீட்பு; தாக்குதல் நடத்தியது யார்?

Mon, 26 Jul 2010 18:53:00 +0530

இலங்கையில் கடந்த மே மாதம் போரில் சுமார் 50 ஆயிரம் தமிழர்கள் குண்டுகள் வீசி கொல்லப்பட்டதுடன், உள்நாட்டுப்போர் முடிந்து விட்டதாக ராஜபக்சே அறிவித்தார். விடுதலைப்புலிகள் யாரும் இலங்கையில் இல்லை என்றும் சிங்கள அரசு அறிவித்தது.

இந்த நிலையில் நேற்று முன்தினம் அதிகாலை மணலாறு காட்டுப்பகுதியில் சிங்கள ராணுவ வீரர்களுக்கும் மர்ம நபர்கள் சிலருக்கும் கடும் துப்பாக்கி சண்டை நடந்ததாக கூறப்படுகிறது. இந்த சண்டையில் பல ராணுவ வீரர்கள் காயம் அடைந்தனர்.

அவர்கள் 6 ஆம்புலன்ஸ் வண்டிகளில் ஏற்றி முல்லைத்தீவு மருத்துவ மனைக்கு கொண்டு வரப்பட்டனர். அங்கு அவர்களுக்கு தீவிர சிகிச்சை அளிக்கப்படுகிறது.

சிங்கள ராணுவ வீரர்கள் எப்படி காயம் அடைந்தனர் என்பது மர்மமாக உள்ளது. சில ராணுவ வீரர்கள் உயிரி ழந்திருக்கலாம் என்று கூறப்படுகிறது. ராணுவ வீரர்கள் பதற்றத்துடன் இருந்தது தெரியவந்துள்ளது.

இது தொடர்பாக ராணுவ செய்தித் தொடர்பாளரிடம் நிருபர்கள் தொடர்பு கொண்டு கேட்டனர். ஆனால் அவர் எந்த தகவலையும் தெரிவிக்க மறுத்து விட்டார்.

சில தினங்களுக்கு முன்பு வன்னி மற்றும் மட்டக்களப்பு காட்டுப்பகுதிகளிலும் இதே பாணியில் ராணுவ வீரர்கள் தாக்குதலுக் குள்ளானார்கள்.

jhk_242142595.jpgs r