விபரம் - செய்திகளின் தொகுப்பு

டெஸ்ட் கிரிக்கெட்: 2வது நாள் ஆட்டம் முடிந்தது- இந்தியா முதல் இன்னிங்சில் விக்கெட் இழப்பின்றி 95 ரன்; இலங்கை 642 குவித்து டிக்ளேர்

Tue, 27 Jul 2010 20:17:00 +0530

இந்தியா- இலங்கை மோதும் 2-வது டெஸ்ட் கிரிக்கெட் போட்டி கொழும்பில் நேற்று தொடங்கியது. “டாஸ்” வென்ற இலங்கை அணி முதலில் பேட்டிங் செய்தது. தொடக்க நாளில் இலங்கை ஆதிக்கம் செலுத்தியது. பரணவிதனா, சங்ககரா சதம் அடித்தனர். இந்தியாவின் பந்து வீச்சு மீண்டும் எடுபடவில்லை.

நேற்றைய ஆட்டத்தின் முடிவில் இலங்கை அணி 2 விக்கெ இழப்புக்கு 312 ரன் எடுத்து இருந்தது. சங்ககரா 130 ரன்னுடனும், ஜெயவர்த்தனே 13 ரன்னுடனும் ஆட்டம் இழக்காமல் இருந்தனர். இன்று (செவ்வாய்க்கிழமை) 2-வது நாள் ஆட்டம் நடந்தது. இருவரும் தொடர்ந்து ஆடினார்கள்.

சங்ககராவும், ஜெயவர்த்தனேயும் இந்திய பந்து வீச்சாளர்களை விளாசி தள்ளி ரன் குவித்தனர்.

கேப்டன் சங்ககரா அபாரமாக விளையாடி இரட்டை சதம் அடித்தார். 304 பந்துகளில் 27 பவுண்டரியுடன் அவர் 200 ரன்னை தொட்டார். இது அவரது 7-வது இரட்டை சதம் ஆகும்.

இதேபோல் மறுமுனையில் இருந்து ஜெயவர்த்தனேயும் பொறுப்புடன் ஆடினார். மதிய உணவு இடைவேளை வரை இந்திய பவுலர்களால் ஒரு விக்கெட்டை கூட கைப்பற்ற முடியாமல் போனது மிகுந்த பரிதாபமே.

சங்ககரா, ஜெயவர்த்த னேவின் அதிரடியான ஆட்டத்தால் இலங்கை அணி ரன்களை குவித்து வலுவான நிலையில் இருந்தது.

மதிய உணவு இடை வேளையின்போது இலங்கை அணி 2 விக்கெட் இழப்புக்கு 457 ரன் குவித்து இருந்தது. சங்ககரா 214 ரன்களிலும், ஜெயவர்த்தனே 71 ரன்னிலும் ஆட்டம் இருக்காமல் இருந்தார்.மதிய உணவு இடைவேளைக்கு பிறகு இந்த ஜோடியை ஷேவாக் பிரித்தார்.

சங்ககரா 219 ரன்னில் “அவுட்” ஆனார். அவர் 335 பந்துகளில் 29 பவுண்டரியுடன் இந்த ரன்னை எடுத்தார். 3-வது விக்கெட் ஜோடி 393 ரன் எடுத்தது.

சங்ககரா ஆட்டம் இழந்தபோது இலங்கை அணியின் ஸ்கோர் 466ஆக இருந்தது. ஜெயவர்த்தனே 80 ரன்னில் இருந்தார்.

அடுத்து ஜெயவர்த்தனேயுடன் சமரவீரா ஜோடிசேர்ந்தார். இருவரும் இந்திய பந்து வீச்சை துவசம் செய்தனர். ஜெயவர்த்தனே சிறப்பாக விளையாடி சதம் அடித்தார்.

அவரைத் தொடர்ந்து சமரவீரா அரைசதம் அடித்தார். இதனால் இலங்கை அணியில் ஸ்கோர் 600 ரன்னை நோக்கி சென்றது. சதம் அடித்த ஜெயவர்த்தனே அதிரடியாக விளையாடினார். அவரும் இரட்டை சதம் அடிப்பார் என எதிர்பார்க்கப்பட்ட நிலையில் 174 ரன்னில் ஹர்பஜன் பந்தில் அவுட் ஆனார்.

அதனைத் தொடர்ந்து இலங்கை அணியின் ஸ்கோர் 4 விக்கெட் இழப்பிற்கு 642 ரன்னுடன் முதல் இன்னிங்சை டிக்ளேர் செய்தது. சமரவீரா 76 ரன்னுடனும் அவுட் ஆகாமல் இருந்தார்.

பின்னர் இந்தியா முதல் இன்னிங்சை தொடங்கியது. சேவாக் மற்றும் தமிழகத்தைச் சேர்ந்த விஜய் தொடக்க ஆட்டக்காரர்களாக இறங்கினார்கள். இருவரும் ஆரம்பம் முதல் அதிரடியாக விளையாடி ரன் சேர்த்தனர்.

இதனால் இந்தியா 8 ஓவரில் 50 ரன்னை கடந்தது. சிறப்பாக விளையாடி சேவாக் அரைசதம் அடித்தார். அவர் 50 பந்து சந்தித்து 9 பவுண்டரியுடன் இந்த ரன்னை எடுத்தார்.

அப்போது இந்தியாவின் ஸ்கோர் 79 ரன்னாக இருந்தது. இந்தியாவின் ஸ்கோர் 95 ரன்னாக இருக்கும்போது 2வது நாள் ஆட்டம் முடிந்தது, ஆட்ட இறுதியில் சேவாக் 64 ரன்னுடனும், விஜய் 22 ரன்னுடனும் ஆட்டமிழக்காமல் களத்தில் இருந்தனர். இந்தியா நாளை தொடர்ந்து விளையாடும்.

ljh_862773928.jpgs r

பாகிஸ்தானுக்கு எதிரான டெஸ்ட் இங்கிலாந்து அணி அறிவிப்பு

Mon, 26 Jul 2010 19:44:00 +0530

பாகிஸ்தான் கிரிக்கெட் அணி சமீபத்தில் ஆஸ்திரேலியாவுக்கு எதிரான 2 டெஸ்ட் போட்டியில் விளையாடியது. முதல் டெஸ்ட்டில் ஆஸ்திரேலியா வெற்றி பெற்றது. 2-வது டெஸ்டில் பாகிஸ்தான் வெற்றி பெற்றது.

இதை தொடர்ந்து பாகிஸ்தான் அணி இங்கிலாந்துடன் 4 டெஸ்ட், இரண்டு 20 ஓவர் போட்டி, 5 ஒருநாள் போட்டி ஆகியவற்றில் விளையாடுகிறது. முதல் டெஸ்ட் போட்டி வருகிற 29-ந் தேதி தொடங்குகிறது.

இந்த போட்டிக்காக இங்கிலாந்து அணி அறிவிக்கப்பட்டுள்ளது. மார்கன், அஜ்மல், ஷாசாத் ஆகியோர் அணியில் மீண்டும் இடம் பெற்றுள்ளனர். இங்கிலாந்து அணி வீரர்கள் வருமாறு:-

ஸ்டாரஸ் (கேப்டன்), அலிஸ்டர் கூக், காலிங்வுட், பீட்டர்சன், ஆண்டர்சன், ஸ்டூவர்ட்பிராட், ஸ்டீபன் பின், மார்கன், பிரையர், அஜ்மல்ஷாசாத், சுவான், ஜோனதன் டிராட்.

ghj_808143359.jpgs r

2-வது டெஸ்ட் போட்டி: இலங்கை “பேட்டிங்” காம்பீர், யுவராஜூக்கு பதிலாக விஜய், ரெய்னா சேர்ப்பு

Mon, 26 Jul 2010 19:43:00 +0530

டோனி தலைமையிலான இந்திய கிரிக்கெட் அணி இலங்கையில் சுற்றுப்பயணம் செய்து விளையாடி வருகிறது.

இரு அணிகள் இடையேயான 3 டெஸ்ட் போட்டித்தொடரில் காலேயில் நடந்த முதல் டெஸ்டில் இலங்கை 10 விக்கெட் வித்தியாசத்தில் அபார வெற்றி பெற்றது.

இந்தியா-இலங்கை மோதும் 2-வது டெஸ்ட் போட்டி கொழும்பில் இன்று (திங்கட்கிழமை) தொடங்கியது.

முழங்காலில் ஏற்பட்ட காயம் காரணமாக தொடக்க வீரர் காம்பீரும், காய்ச்சல் காரணமாக மிடில் ஆர்டர் பேட்ஸ்மேன் யுவராஜ்சிங்கும் ஆடவில்லை. அவர்களுக்கு பதிலாக தமிழக வீரர் முரளி விஜய், சுரேஷ் ரெய்னா இடம் பெற்றனர். ரெய்னா டெஸ்ட் போட்டியில் அறிமுகமாகி உள்ளார்.

இலங்கை அணியிலும் 2 மாற்றம் இருந்தது. ஓய்வு பெற்ற முரளீதரன், மலிங்கா ஆகியோருக்கு பதிலாக அஜந்தா மெண்டீஸ், சுரஜ் ரந்தீவ் இடம் பெற்றனர். இரு அணி வீரர்கள் வருமாறு:-

இந்தியா: டோனி (கேப்டன்), ஷேவாக், முரளி விஜய், டிராவிட், தெண்டுல்கர், லட்சுமண், ரெய்னா, ஹர்பஜன்சிங், அபிமன்யூ மிதுன், இஷாந்த் சர்மா, ஒஜா.

இலங்கை: சங்ககரா (கேப்டன்), தில்சான், பரண விதனா, ஜெயவர்த்தனே, சமரவீரா, மேத்யூஸ், பிரசன்னா ஜெயவர்த்தனே, தமிகா பிரசாத், பெர்னாண்டோ, சுரஜ் ரந்தீவ் மெண்டீஸ்.

இலங்கை கேப்டன் சங்ககரா “டாஸ்” வென்று தனது அணி முதலில் பேட்டிங் செய்யும் என்று அறிவித்தார். தில்சானும், பரணவிதனாவும் தொடக்க வீரர்களாக களம் இறங்கினார்கள்.

lkj_593557411.jpgs r

டெஸ்ட் தரவரிசை தெண்டுல்கர் 6-வது இடத்துக்கு முன்னேற்றம்

Mon, 26 Jul 2010 19:42:00 +0530

சர்வதேச கிரிக்கெட் கவுன்சில் (ஐ.சி.சி.) டெஸ்ட் போட்டியின் அடிப்படையில் வீரர்களின் தரவரிசைப்பட்டியலை வெளியிட்டுள்ளது.

நட்சத்திர வீரர் தெண்டுல்கர் பேட்டிங் வரசையில் முன்னேற்றம் அடைந்துள்ளார். 8-வது இடத்தில் இருந்த அவர் 795 புள்ளிகள் பெற்று 6-வது இடத்துக்கு முன்னேறி உள்ளார். இலங்கைக்கு எதிரான காலே டெஸ்டில் 2-வது இன்னிங்சில் அவர் 84 ரன்கள் எடுத்தார்.

காலே டெஸ்டில் இரண்டு இன்னிங்சிலும் முதல் ஓவரிலேயே ஆட்டம் இழந்த காம்பீர் 773 புள்ளிகள் பெற்று 9-வது இடத்துக்கு பின் தங்கினார்.

இலங்கைக்கு எதிரான முதல் டெஸ்டில் சதம் அடித்த அதிரடி வீரர் ஷேவாக் தொடர்ந்து முதலிடத்தில் உள்ளார். அவர் 806 புள்ளிகள் பெற்று உள்ளார்.

மற்ற இந்திய வீரர்களில் வி.வி.எஸ்.லட்சுமண் 14-வது இடத்திலும், டிராவிட் 18-வது இடத்திலும் உள்ளனர்.

சங்ககரா 2-வது இடத்தி லும், ஜெயவர்த்தனே 3-வது இடத்திலும், மைக்கேல் கிளார்க் 4-வது இடத்திலும், சந்தர்பால் 5-வது இடத்திலும் உள்ளனர்.

பந்து வீச்சு தரவரிசையில் ஸ்டெயன் (தென்ஆப்பிரிக்கா) 887 புள்ளிகள் பெற்று முதலிடத்திலும், பாகிஸ்தான் வேகப்பந்து வீரர் முகமது ஆசிப் 802 புள்ளிகள் பெற்று 2-வது இடத்திலும் உள்ளனர்.

800 விக்கெட் கைப்பற்றி புதிய வரலாறு படைத்து ஓய்வு பெற்ற இலங்கை வீரர் முரளீதரன் 772 புள்ளிகள் பெற்று 3-வது இடத்தில் உள்ளார்.

இந்திய வீரர்களில் ஜாகீர்கான் 7-வது இடத்தில் உள்ளார். காயம் காரணமாக அவர் இலங்கைக்கு எதிரான டெஸ்ட் தொடரில் ஆடவில்லை. ஹர்பஜன்சிங் 8-வது இடத்தில் உள்ளார்.

ஆல் ரவுண்டர் தர வரிசையில் தென்ஆப்பிரிக்கா வீரர் காலிஸ் முதலிடத்தில் உள்ளார்.

நாடுகளில் தரவரிசையில் இந்தியா 124 புள்ளிகள் பெற்று தொடர்ந்து முதலிடத்தில் உள்ளது. இலங்கைக்கு எதிரான தொடரை 0-2, அல்லது 0-3 என்ற கணக்கில் இழந்தால் முதலிடத்தை இழந்துவிடும்.

தென்ஆப்பிரிக்கா (120 புள்ளிகள்) 2-வது இடத் திலும், ஆஸ்திரேலியா (116 புள்ளிகள்) 3-வது இடத்திலும், இலங்கை (115 புள்ளிகள்) 4-வது இடத் திலும், இங்கிலாந்து (108 புள்ளிகள்) 5-வது இடத்திலும் உள்ளன.

tfh_661822238.jpgs r

முதல் டெஸ்ட் போட்டி: இலங்கை அணி வெற்றி

Thu, 22 Jul 2010 19:27:00 +0530

இந்தியா-இலங்கை இடையே 3 டெஸ்ட் கொண்ட தொடரில் முதலாவது டெஸ்ட் போட்டி காலேயில் நடந்தது. இதில் முதல் இன்னிங்சில் இலங்கை அணி 8 விக்கெட்டுக்கு 520 ரன்கள் குவித்து `டிக்ளேர்' செய்தது. பின்னர் தனது முதல் இன்னிங்சை தொடங்கிய இந்தியா 276 ரன்களுக்கு ஆல்-அவுட் ஆகி, `பாலோ-ஆன்' ஆனது.

பின்னர் 2-வது இன்னிங்சை ஆடிய இந்திய அணி 338 ரன்களுக்குள் ஆல்-அவுட்டானது. 94 ரன்கள் முன்னிலை பெற்றிருந்தது. பின்னர் 2-வது இன்னிசை தொடங்கிய இலங்கை அணி விக்கெட் இழப்பின்றி 95 ரன் எடுத்தது. தில்சான் 68 ரன்னும், பரனவித்னா 23 ரன்னும் எடுத்து ஆட்டமிழக்காமல் இருந்தனர். இதையடுத்து 10 விக்கெட் வித்தியாசத்தில் அபார வெற்றி பெற்றது.

fjg_118651987.jpgs r

இந்தியா 338 ரன் எடுத்து ஆல் அவுட்: முரளீதரன் 800 விக்கெட் வீழ்த்தி சாதனை

Thu, 22 Jul 2010 19:25:00 +0530

உலகின் தலை சிறந்த சுழற்பந்து வீரர் முரளீதரன் இந்தியாவுக்கு எதிராக காலேயில் நடைபெற்று வரும் முதல் டெஸ்ட் போட்டியோடு ஓய்வு பெறுவதாக ஏற்கனவே அறிவித்து இருந்தார். கடைசி டெஸ்ட் போட்டிக்கு முன்பு அவர் 792 விக்கெட் கைப்பற்றி இருந்தார். கடைசி டெஸ்டில் 8 விக்கெட் எடுத்தால் 800 விக்கெட் கைப்பற்றிது சாதனை புரிவார் என்ற நிலை இருந்தது.

முதல் இன்னிங்சில் அவர் 5 விக்கெட் கைப்பற்றினார். 2-வது இன்னிங்சில் மதிய உணவு இடைவேளை வரை 2 விக்கெட் கைப்பற்றினார். இதனால் அவரது எண்ணிக்கை 799 விக்கெட் ஆக உயர்ந்தது. அடுத்து சிறிது நேரத்திலேயே மற்றொரு விக்கெட்டையும் கைப்பற்றினார். இதனால் முரளீதரன் 800 விக்கெட் எடுத்து உலக சாதனை படைத்தார்.

133 டெஸ்டில் விளையாடி 51 ரன் கொடுத்து 9 விக்கெட் கைப்பற்றிய அவரது சிறந்த பந்து வீச்சு ஆகும். டெஸ்டில் 22 முறை 10 விக்கெட்டுக்கு மேலும், 67 முறை 5 விக்கெட்டுக்கு மேலும் எடுத்துள்ளார்.

முரளீதரனுக்கு அடுத்தப்படியாக வார்னே (ஆஸ்திரேலியா), 145 டெஸ்டில் 708 விக்கெட் கைப்பற்றி 2-வது இடத்தில் உள்ளார். கும்ப்ளே (இந்தியா) 619 விக்கெட்டும், மெக்ராத் (ஆஸ்திரேலியா) 563 விக்கெட்டும், வால்ஷ் (வெஸ்ட் இண்டீஸ்) 434 விக்கெட்டும் எடுத்துள்ளனர்.

jih_555166424.jpgs r

முதல் டெஸ்ட் போட்டி: ஷேவாக் அதிரடி சதம்

Wed, 21 Jul 2010 20:56:00 +0530

இந்தியா-இலங்கை மோதும் முதல் டெஸ்ட் கிரிக்கெட் போட்டி காலே மைதானத்தில் நடைபெற்று வருகிறது. இலங்கை அணி முதல் இன்னிங்சில் 8 விக்கெட் இழப்புக்கு 520 ரன் குவித்து “டிக்ளேர்” செய்தது. பரண விதனா 111 ரன்னும், சங்ககரா 103 ரன்னும், ஹெராத் 80 ரன்னும் (அவுட் இல்லை), மலிங்கா 64 ரன்னும் எடுத்தனர். அபிமன்யூ மிதுன் 4 விக்கெட்டும், இஷாந்த் சர்மா 3 விக்கெட்டும் எடுத்தனர்.

பின்னர் முதல் இன்னிங்சை விளையாடிய இந்தியா நேற்றைய 3-வது நாள் ஆட்ட நேர முடிவில் 3 விக்கெட் இழப்புக்கு 140 ரன் என்ற பரிதாப நிலையில் இருந்தது. ஷேவாக் 85 ரன்னுடனும், லட்சுமண் 18 ரன்னுடனும் ஆட்டம் இழக்காமல் இருந்தனர்.

இன்று (புதன்கிழமை) 4-வது நாள் ஆட்டம் நடந்தது.

“பாலோ ஆன்” தவிர்க்க மேலும் 181 ரன் தேவை. கைவசம் 7 விக்கெட் என்ற நிலையில் இந்திய அணி தொடர்ந்து விளையாடியது. 32-வது ஓவரில் 150 ரன்னை தொட்டது.

ஷேவாக் அதிரடியாக விளையாடி சதம் அடித்தார். 108 பந்துகளில் 18 பவுண்டரி, 1 சிக்சருடன் அவர் 100 ரன்னை தொட்டார்.

77-வது டெஸ்டில் விளையாடும் ஷேவாக்குக்கு இது 20-வது சதம் ஆகும். இலங்கைக்கு எதிராக 4-வது செஞ்சூரி அடித்துள்ளார். காலே மைதானத்தில் அவருக்கு 2-வது சதம் ஆகும்.

சதம் அடித்த சிறிது நேரத்தில் ஷேவாக் “அவுட்” ஆனார். அவர் 118 பந்தில் 109 ரன் (19 பவுண்டரி, 1 சிக்சர்) எடுத்தார். அவரது விக்கெட்டை வெலுகேந்திரா கைப்பற்றினார். அப்போது இந்திய அணியின் ஸ்கோர் 4 விக்கெட் இழப்புக்கு 169 ஆக இருந்தது.

5-வது விக்கெட்டுக்கு லட்சுமணுடன் யுவராஜ் சிங் ஜோடி சேர்ந்தார்.

hvui_368102399.jpgs r

தெற்காசிய வாள்சண்டை இந்தியாவுக்கு 8 பதக்கம்

Wed, 21 Jul 2010 20:54:00 +0530

தமிழ்நாடு வாள்சண்டை சங்கம் சார்பில் முதலாவது தெற்காசிய வாள்சண்டை போட்டி சென்னை நேரு உள் விளையாட்டு அரங்கில் நடைபெற்று வருகிறது. 2-வது நாளான இன்று காலை வரை நடந்த போட்டிகளின் முடிவில் இந்தியா 4 தங்கம் உள்பட 8 பதக்கங்களை பெற்றுள்ளது.

ஆண்களுக்கான “பாயில்” அணிகள் பிரிவில் இந்திய “ஏ” அணி 45 புள்ளிகள் பெற்று தங்கம் பதக்கம் பெற்றது.

வங்காளதேச அணி 25 புள்ளிகள் பெற்று வெள்ளிப் பதக்கம் பெற்றது. இந்திய “பி” அணிக்கும் இலங்கைக்கும் வெண்கல பதக்கம் கிடைத்தது.

“பாயில்” பெண்கள் பிரிவில் இந்தியா “ஏ” அணிக்கு தங்கமும், “பி” அணிக்கு வெள்ளிப்பதக்கமும் கிடைத்தது. வங்காளதேசம், நேபாளம் அணிகள் வெண்கல பதக்கம் பெற்றன.

“எப்பி” பெண்கள் அணிகள் பிரிவில் இந்தியா “ஏ” 45 புள்ளிகளுடன் தங்கப்பதக்கம் பெற்றது. இந்தியா “பி” அணிக்கு வெள்ளியும், இலங்கை, வங்காளதேசத்துக்கு வெண்கலமும் கிடைத்தன.

“சேபர்” பெண்கள் அணிகள் பிரிவில் இந்தியா “ஏ” அணிக்கு தங்கமும் “பி” அணிக்கு வெள்ளியும் கிடைத்தன. வங்காளதேசம், நேபாளம் அணிகளுக்கு வெண்கல பதக்கம் கிடைத்தது.

பாகிஸ்தான் அணி, அணிகள் பிரிவில் பங்கேற்கவில்லை. தனிநபர் பிரிவில் கலந்து கொள்ளலாம் என்று எதிர்பார்க்கப்படுகிறது.

turs_325340578.jpgs r

கிரிக்கெட் வாரியத்துக்கு எதிரான லலித்மோடியின் மனு தள்ளுபடி

Thu, 15 Jul 2010 19:12:00 +0530

ஐ.பி.எல். முறைகேடு தொடர்பாக அதன் தலைவர் பதவியில் இருந்து லலித்மோடி சஸ்பெண்டு செய்யப்பட்டார்.அவர் கோடிக்கணக்கில் மோசடி செயலில் ஈடுபட்டது தெரிய வந்தது. இதை தொடர்ந்து லலித்மோடி மீது விசாரணை நடத்த 3 பேர் கொண்ட ஒழுங்கு நடவடிக்கை குழு அமைக்கப்பட்டது. ஐ.பி.எல். இடைக்கால சேர்மன் அமீன், அருண்ஜேட்லி, ஜோகிரத்யா சிந்தியா ஆகியோர் இந்த குழுவில் இடம் பெற்று இருந்தனர்.

இந்த குழு முன்பு நாளை (16-ந்தேதி) அவர் ஆஜராக சம்மன் அனுப்பப்பட்டு இருந்தது.

இதற்கிடையே கிரிக்கெட் வாரியத்துக்கு எதிராக லலித் மோடி மும்பை ஐகோர்ட்டில் வழக்கு தொடர்ந்தார்.

அவர் தாக்கல் செய்துள்ள மனுவில் கிரிக்கெட் வாரியத்தின் ஒழுங்கு நடவடிக்கை குழுவின் நடவடிக்கைகள் நியாயமானதாக இருக்காது. தற்போது இருக்கும் குழுவை கலைத்து விட்டு புதிய குழு அமைக்க வேண்டும். தன் மீதான கிரிக்கெட் வாரியத்தின் நடவடிக்கைக்கு தடை விதிக்க வேண்டும் என்று மனுவில் கூறப்பட்டு இருந்தது.

இந்த வழக்கு இன்று மீண்டும் விசாரணைக்கு வந்தது. மும்பை ஐகோர்ட்டு லலித்மோடியின் மனுவை தள்ளுபடி செய்தது.

dgd_908692544.jpegs r

பயிற்சிக்கு வராமல் சானியாவுடன் சுற்றியதால் சோயிப்மாலிக் நீக்கம்: பரபரப்பு தகவல்

Wed, 14 Jul 2010 19:07:00 +0530

பாகிஸ்தான் கிரிக்கெட் அணியின் முன்னாள் கேப்டன் சோயிப் மாலிக். இவர் சமீபத்தில் இந்திய டென்னிஸ் வீராங்கனை சானியா மிர்சாவை திருமணம் செய்து கொண்டார். திருமணத்துக்கு பிறகு சானியாவின் ஆட்டம் மிகவும் மோசமாக இருந்தது.

இந்த நிலையில் ஆஸ்திரே லியாவுக்கு எதிரான முதல் டெஸ்ட் போட்டிக்கான 11 பேர் கொண்ட பாகிஸ்தான் அணியில் சோயிப் மாலிக் நீக்கப்பட்டுள்ளார்.

அனுபவம் வாய்ந்த அவர் நீக்கப்பட்டது பெரும் பரபரப்பை ஏற்படுத்தி உள்ளது. அவருக்கு பதிலாக புதுமுக வீரர் அசார்அலி சேர்க்கப்பட்டுள்ளார்.
இதற்கிடையே சோயிப் மாலிக் நீக்கப்பட்டதற்கான காரணம் குறித்து பரபரப்பான தகவல் வெளியாகி உள்ளது.

சோயிப் மாலிக் பயிற்சிக்கு வராமல் மனைவி சானியா மிர்சாவுடன் ஊர் சுற்றியுள்ளார். பயிற்சிக்கு வராதது குறித்து அவர் எந்த தகவலும் அணி நிர்வாகத்திடம் தெரிவிக்கவில்லை.

இதன் காரணமாகவே அவர் நீக்கப்பட்டதாக கூறப்படுகிறது.

gv_482195020.jpegs r